Қазақстан мен Ресей Сыртқы істер министрліктері арасындағы уағдаластықтарды іске асыру шеңберінде сыртқы саяси жоспарлау мәселелері бойынша департамент директорлары деңгейінде консультациялар өтті.
Қазақстандық тарапты ҚР СІМ Сыртқы саяси талдау және стратегиялық жоспарлау департаментінің директоры Әнуарбек Ахметов, ресейлік тарапты – РФ СІМ Сыртқы саяси жоспарлау департаментінің директоры Алексей Дробинин басқарды.
Консультациялар барысында тараптар сыртқы саяси жоспарлау саласындағы тәжірибелерімен бөлісті, халықаралық және өңірлік күн тәртібінің барлық спектрі бойынша пікір алмасты, сондай-ақ үнемі «сағаттарын теңестіруін» жалғастыруға келісті.
Іс-шараға қатысушылар ҚР мен РФ арасындағы серіктестіктің стратегиялық сипатын атап өтіп, елдер арасындағы сындарлы және сенімді диалогты одан әрі нығайтуға деген көзқарасты растады.